శ్రీ శంకరాష్టకం 2 –ల Sri Shankara Ashtakam 2

హే వామదేవ శివశంకర దీనబంధో
కాశీపతే పశుపతే పశుపాశనాశిన్ |
హే విశ్వనాథ భవబీజ జనార్తిహారిన్
సంసారదుఃఖగహనాజ్జగదీశ రక్ష || 1 ||

హే భక్తవత్సల సదాశివ హే మహేశ
హే విశ్వతాత జగదాశ్రయ హే పురారే |
గౌరీపతే మమ పతే మమ ప్రాణనాథ
సంసారదుఃఖగహనాజ్జగదీశ రక్ష || 2 ||

హే దుఃఖభంజక విభో గిరిజేశ శూలిన్
హే వేదశాస్త్రవినివేద్య జనైకబంధో |
హే వ్యోమకేశ భువనేశ జగద్విశిష్ట
సంసారదుఃఖగహనాజ్జగదీశ రక్ష || 3 ||

హే ధూర్జటే గిరిశ హే గిరిజార్ధదేహ
హే సర్వభూతజనక ప్రమథేశ దేవ |
హే సర్వదేవపరిపూజితపాదపద్మ
సంసారదుఃఖగహనాజ్జగదీశ రక్ష || 4 ||

హే దేవదేవ వృషభధ్వజ నందికేశ
కాలీపతే గణపతే గజచర్మవాసః |
హే పార్వతీశ పరమేశ్వర రక్ష శంభో
సంసారదుఃఖగహనాజ్జగదీశ రక్ష || 5 ||

హే వీరభద్ర భవవైద్య పినాకపాణే
హే నీలకంఠ మదనాంత శివాకలత్ర |
వారాణసీపురపతే భవభీతిహారిన్
సంసారదుఃఖగహనాజ్జగదీశ రక్ష || 6 ||

హే కాలకాల మృడ శర్వ సదాసహాయ
హే భూతనాథ భవబాధక హే త్రినేత్ర |
హే యజ్ఞశాసక యమాంతక యోగివంద్య
సంసారదుఃఖగహనాజ్జగదీశ రక్ష || 7 ||

హే వేదవేద్య శశిశేఖర హే దయాళో
హే సర్వభూతప్రతిపాలక శూలపాణే |
హే చంద్రసూర్యశిఖినేత్ర చిదేకరూప
సంసారదుఃఖగహనాజ్జగదీశ రక్ష || 8 ||

శ్రీశంకరాష్టకమిదం యోగానందేన నిర్మితమ్ |
సాయం ప్రాతః పఠేన్నిత్యం సర్వపాపవినాశకమ్ || 9 ||

ఇతి శ్రీయోగానందతీర్థవిరచితం శంకరాష్టకమ్ సంపూర్ణం ||